உதிர்ந்த நட்பை தேடி..

உன்னால் உருக்கி

உருவாக்கப்பட்ட என்னால்

உன் தொடர்பு துண்டிப்பில்

உலகை உணர மறுக்கிறேன்

உன் நட்பில் ஆழ்ந்து

உண்மை அன்பினால்

உணர்ந்த் எம் உறவின்

உஷ்ணம் தணியவில்லை

உற்ற தோழமையுடன்

உனக்காக எதையும் நாடி

உதிர்த்த மொழிகளோடு

உன் தரிசனம் தேடுகிறேன்

உலவு பார்த்த வேடர்களால்

உள்ளவைகள் உணராது

உமிழ்ந்த மொழிகளில்

உளம் நொந்தழுதாயோ..

உன் துயர்களை மென்று

உன் பாவனையில் வென்று

உன் நட்பை மறந்து

உன் நாட்டம் தடுத்தாயே..

உடலை விட்டகன்ற உயிராய்

உன் தயவில் ஒரு சொல்நாடி

உதிர்ந்த நட்பை தேடி

உலவுகிறேன் உன்வழியில்...

பதிவுகளை இலவசமாக ஈமெயிலில் பெற