நானடைந்த நட்பு......

தொலைந்த உறவொன்றை  
தொடராமலே அடைந்துவிட்டேன் 
அன்றொருநாள் பாசங்கொண்டு 
நேசித்திருந்த அன்பானதொரு உறவு 

என்னை எனக்கே அறிமுகம்செய்து 
என்னுள்ளிருந்த கவிஞனைக் கண்டெடுத்து 
உலகவலம் கவிதைகளாலாக்கி 
உவமையற்ற உறவாகியிருந்தாய் 

உன்னோடு உறவாடாதிருந்த நாட்களில் 
என்னைத் தொலைத்ததாய் எண்ணியிருந்தேன் 
எங்கோ நீ மகிழ்வாயிருக்கிறாயென்று 
இங்கே நான் மகிழ்ந்தேயிருந்தேன் 

உன்னோடு பேசவேண்டு மென்று 
குறுந்தகவல் மாத்திரங்கண்டு 
குதூகலத்தின் உச்சியில் 
பட்சிகளாய் விண்ணில் மிதந்தேன் 

அத்தனையும் உன்னாலென்று சொன்னபோதும் 
எதனையும் உன்னிடமிருந்து பெறாதபோதும் 
சொந்தம் என்று மட்டும் உள்மனதில் சொல்கிறது 
சொர்க்கம் கண்பதாய் உணர்கிறது 

ஒப்பீட்டளவு உறவில்லை நீ 
ஒப்பானதொரு காதலுமில்லை நீ 
தப்பானதொரு வழியுமில்லை நீ 
ஒப்பிடமுடியாத  நட்பொன்று நீ 
நட்பின் இலக்கணம் நீதானென்று 
நட்புகளொடு மட்டுமே சொல்லமுடிகிறது. 

பதிவுகளை இலவசமாக ஈமெயிலில் பெற