ஆண்மையின் தாய்மை

இன்பத்தின் மிச்சமொன்று  

தாய்மைக்கு வித்திட்டதென்றுணரந்து 

ஈண்றவள்போல் இறுமாப்புடன்  

பிறந்த பயனென்றுனர்வான் 

அகமகிழ்வின் ஆரவாரத்தில் 

அன்னைபோல் அவளைக்காக்க

அல்லும் பகலும் அரவணைத்து 

அன்பின்குறை அகற்றி நிற்பான் 

எடுத்த வாந்தியைக் கையிலேந்தி 

மயக்கமென்றவளை மார்பில் சாய்த்து

மென்மையாய் மெத்தையிட்டு 

மிதமிஞ்சும் சுகங்கள் அளித்திடுவான்   

மஞ்சலரைத்துத் தண்ணியிறைத்து 

காரக் குழம்புடன் கனிவாய் ஊட்டி 

தாய்க்கும் சேய்க்குமென முத்தமாலை 

தினமும் மொத்தமாய்ச் சூடிடுவான்  

ஆறுமாதம் கழிந்தபோது 

மாற்றங்களில் மகிழ்ந்திருந்தாலும் 

அவதியுறும் நிலைகள்கண்டு 

அழுது தொழுதிடுவான் (இறைவனை) 

அறிவு சார் உரைகளும் 

அழகு சார் பேணுதல்களென

குழந்தைக்கென்றொரு அத்தியாயம் 

திறப்பது கண்டு மகிழ்ந்திடுவான்  

பிரசவ வேதனையில் 

பிரசவிப்பான் தனை மறந்து 

இருவரும் நலமெனக் கண்டு 

ஒரு மனதாய்க் கையிலேந்திடுவான் 

பெண் காணும் வலியை மிஞ்சிடுமளவு 

தான் கண்ட வலியகன்ற உணர்வுடன் 

தற்பெருமையும் அவன்கொண்டு  

ஈந்தளித்து மகிழ்ந்திடுவான் 

பதிவுகளை இலவசமாக ஈமெயிலில் பெற