மழைத்தூறலின் மாயம்...

மழையின் தூறலில் 

மயிர்ச்செறியும் கூச்சம் 

மல் யுத்தம் நடப்பதுபோல் 

மனதின் போராட்டம் 

மன்னவன் துணைவர

மதி நிறைந்த இன்பம் 

மலர்ந்த உணர்வுக்கு 

மட்டற்ற பல உச்சம் 

உடல் தொடாத மழைச்சாரலுக்கு 

உடனிருந்த என்னவன்மீது 

உச்சத்தில் கோபம்-ஆதலால் 

உமிழ்கிறது மழையாய் 

உத்தரவு பெற்றேன் மழையிடம்

உயிரானவனின் இறுக்கத்தில்

உலராத ஈரத்துடன் 

உஸ்ணம் தணியாத தாகம் 

குடையின் கீழ் கண்ட மோகத்தில் 

குற்றுயிராய் நடந்தேன் சாலையில் 

குற்றமாகிடா போதையுடன் 

குலம் காத்திருந்த வேளையது..

பதிவுகளை இலவசமாக ஈமெயிலில் பெற