வென்றவனே விலைபோகாதே...

ஏழை மாணவனாய் 

ஏகவல்லோன் துணையில் 

ஏற்றம் கொண்டு கற்றதில் 

ஏறினான் பல்கலைக்கழகம் (பொறியியலாளனாய்)

கடந்த பாதையில் கிடந்த 

கற்களும் முட்களுமாய் தடங்கள் பல

கண்ணீருடன் அயராது - கல்வியை 

கற்றுத்தேறியவன் 

தந்தையின் வியர்வையில் 

தமையனின் வழிகாட்டலுடன் 

தட்டுத்தடுமாறி 

தலைநிமிர்ந்த வெற்றியாளன் 

இவனையும் அடிமையாக்கிட

இமயம் கடந்த பணத்துடன் 

இவன் பின்னே மாமனார் கூட்டமொன்று 

இவன் பதவியை தன்மகளுக்காக்கிட

பணம் படைத்தவனாய் 

பகிர்ந்திடாத கஞ்சன் 

பட்டம் அடைந்ததற்காய் 

படி ஏறுகிறான் அடிமைவிலங்கிட

திண்டாடும் படித்தவனே

திசை திரும்பிடாதே பணத்திற்காய் 

திகைப்பூட்டும் வெற்றிகள் பல 

திண்ணமடா உன் வழியில்....

இந்த படித்தவனின் முடிவு மற்றுமொரு கவிதையாக தொடரும் 

பதிவுகளை இலவசமாக ஈமெயிலில் பெற