மதிப்பற்ற உயிர்கள்......‘!!

உறையும் குளிரில் 
உள்ளமும் நடுநடுங்குகிறது 
உறவுகளின் உணவுகளுக்கு
உயிரும் இங்கு பிரிகிறது 

தேசமிது பாலைவனந்தான் 
பணத்தின் சோலைவனமானதில் 
அதிஉச்ச சூடும் அதிரும் குளிருமாய் 
அவதிகளால் அல்லலுமதிகம் 

முப்பது வயதானவருக்கு 
மூச்சு முட்டியதால் - இவ்
உலகவாழ்வை முடித்துக்கொண்டாராம் 
கேட்டதில் மூச்சே இறுகிப்போனது....

அச்சம் எதிர்காலத்திலாக்கி 
அதிக சிரத்தை நிகழ்காலத்தோடாகிறது
உணர மறுக்கும் உள்ளங்களால் 
உயிர்களுக்கும் மதிப்பற்றதாகிவிட்டது. 

பதிவுகளை இலவசமாக ஈமெயிலில் பெற