உனைநினைத்து உயிரெழுத்து

அன்பின் உறைவிடமாய்

அழகின் நித்திலமாய்

அத்தனை வித்தகமும்

அடங்கும் ஒளிநிலவாய்

நான் கண்ட சுடரொளியே

ஆசை அத்தனையும்

ஆறப் பகிர்ந்தளித்து

ஆற்றல் மிக்கதொரு

ஆரம்பம் எனக்களித்தாய்

இன்பம் இதுதான் என

இனிதாய் ஊட்டிவிட்டு

இன்பலோகம் காண

இருந்தாய் எப்பொழுதும்

ஈன்ற செல்வமாய்

ஈருலகிலும் சிறந்திட

ஈர்ப்புடன் சேர்ந்திசைத்து

ஈகை கொண்டிருந்தாய்

உவமானம் அற்றதால்

உன்னை ஏந்தினேன் எப்பொழுதும்

உணர்வுகள் இறுகியதால்

உயிராய் நீயும் திகழ்கிறாய்

ஊருலகம் கவலையில்லை

ஊமை உள்ளம் நோக்கவில்லை

ஊணுறக்கம் மறந்து

ஊஞ்சலாடுகிறது என்னுள்ளம்

எத்திசையில் நானிருந்தும்

எப்பொழுதும் உனைநினைத்து

எள்ளளவும் மறக்காத

என்நிலைதான் உணர்வாயோ..

ஏஞ்சலானவளே என்

ஏக்க நிலை மறக்க

ஏற்றம் கொண்ட நானும்

ஏட்டினில் மட்டும் எழுதுகிறேன்

ஐந்தேழு மாதங்கள்

ஐக்கியமாய் இருந்துவிட்டு

ஐயா தயவின்றி

ஐயோ என்றிருக்கிறாய்

ஒவ்வெரு நொடிகளும்

ஒவ்வாமல் விட்டகல

ஒன்றாய் இணையும் வரை

ஒரு கணம் தேடுகிறாய்

ஓடுகிறது நாட்கள்

ஓடிய உணர்வுகளை

ஓடிப்பிடித்து உனக்காக

ஓடோடி வருகிறேன் கண்ணே..

என்னுயிர் நீயாவதால்

என் ஔடதமும் நீயாவாய்

ஔவை தந்த ஆத்திசூடிபோல்

நான் கண்ட அமுதம் நீ.....

பதிவுகளை இலவசமாக ஈமெயிலில் பெற