வீதியே விதியாவதா?..

அனாதரவாய் கைவிட்டதில்

அகம் அழுகின்ற குறைபாடாய்

அல்லலுறும் பிஞ்சுகளின்

அவலம் தீர்ப்பாருண்டா

கண்களில் ஏக்கத்துடன்

கவலையின் உச்சத்தில்

கதிகலங்கும் இன்னிலையினை

கருணையுள்ளம் நோக்கவில்லை

வீதியை வீடாக்கி

மடியினை மெத்தையாக்கி

கவலையற்ற மறு உறவை

உறங்கிட செய்த செல்லக்குணம்

பெற்றவரை நோவதா

பிறந்த உலகை நோவதா என

பிற்காலம் வெல்வதற்காய்

நீந்துகின்ற பாலகன்

இதுபோன்ற செல்வங்களால்

இவ்வையகம் நிறைந்துவிட

சொல்பவனும் செய்யாது

செய்பவனுக்கு வழி செய்யாது

விரண்டோடுகின்ற சமூகம்

விதியின் விளையாட்டில்

வீதியியே விதி என்று

வெந்தழுகின்ற மழலைகளை

வேரோடு அறுத்தெறிய வேண்டாமா?

பதிவுகளை இலவசமாக ஈமெயிலில் பெற