வருடத்திலெருமுறை உனக்காக
உதிர்கின்ற என் வரிகளில்
தொக்கி நிற்கின்றவைகள்
தொடர்கின்றன இன்றும் .....
அறியா உன் பருவத்தில் - நான்
அமுதமாய் ஒதிய வரிகளை - இன்று
படியென்று கூறிப் பகலிரவாய்
ஆனந்தம் கொள்கிறாய்
அன்று எழுதியவைகள் - உனக்கு
இன்று அகம் மகிழ்விப்பதுபோல்
இனிமேல் ஏற்றுபவைகளும் - உன்
வழியில் விளக்காய் மாறிடட்டும்
உன் சுட்டிக் குறும்புகளுக்கு
சுருக்கிடும் காலமிது - நீ
குமரியாய் ஆனாலும் - என்
சுட்டிக் குழந்தை நீயல்லவா....
உன் பிரிவில் நானடைந்த
துயர்களுக்கு நிகர் தேடுகிறேன்
உன் வயதுகள் மாத்திரம்
என்னை வக்கிரமாய் கர்ச்சிக்கிறது
