இத்தளத்திற்கு வருகை தந்தமைக்கு அளவுகடந்த நன்றிகள் என்னை ஊக்குவிக்க விரும்பினால் Follow ல் இணைந்து கொள்ளுங்கள்.... முடிந்தால் மேலான கருத்திடுங்கள் .... என்றும் உங்கள் நேசமுடன் ஹாசிம்.

Wednesday, April 30, 2014

வெறுப்பின் துணை நட்பு


என் நடமாட்டம் உலகில்தான் 
ஆனால் உலகமோ என்னோடில்லை 
உறவுகளுக்காக நான் வாழ்கிறேன் 
ஆனால் உறவுகளோ என்னோடில்லை 

ஏற்றத் தாழ்வு நிகழ்வுகளில் 
எதிர்மறையான பெறுபேறுகள் 
அம்மாவுக்கா நானழுகிறேன் 
சகோதரிக்காக அம்மா அழுகிறாள் 

மனைவிக்காக நானேங்குகிறேன் 
குழந்தைக்காக எனைவெறுக்கிறாள் 
பிள்ளையின் பாசத்திற்காய்த் தவிக்கிறேன் 
அவளின் பாசம் மற்றொருவருக்காய் 

இச் சங்கிலித்தொடர் சந்தர்ப்பங்களில்  
அத்தனையும் சாதாரணமானதே 
மறுக்கப்படும் எம் உரிமைகளில்தான் 
ஏமாற்றம் வெறுப்போடாகிறது 

மிதமிஞ்சிய எதிர்பார்ப்புகளில் 
நட்பு மட்டும் விதிவிலக்கு 
நெகிழும் நிலைகளிலும் 
நிழலாய் தொடர்வது நட்பு மட்டுமே 

அடையும் வரை தொடர்ந்தவர்கள் 
அடைந்தபோதும்  மறந்துவிட 
எதிர்பார்ப்பற்ற நண்பன் மட்டும் 
துவளாது தோழ்கொடுக்கிறான்

வெறுமை உலகில்........ 
வேதனைகளுக்கு மருந்தாய் 
நட்பின் துணைகண்டு 
உயிர்வாழத் தூண்டுகிறது மனம் 

Monday, April 14, 2014

எச்சரிக்கை எச்சரிக்கை......(BBS)


கடிவாளமிட முடியாக் 
காட்டுமிராண்டிகள் போல் 
குதறித்திரியும் BBS எனும் 
பொறுப்பற்ற சமுகம் 
சாவுதேடிக் கூத்தடிக்கிறது 

எங்களதே தேசமென்ற 
அவசியமற்ற உரிமையுடன் 
அவிழ்த்து விட்ட அடாவெடித்தனங்களை 
அரங்கேற்றி வருகிறார்கள் 
அறிவிலிகள் போல்.......

இலங்கை எனும் தேசத்தின் 
உரிமையும் உடமையும் - அதில் 
அவதரித்த உயிர்களிலிருந்து 
பாகுபடுத்திடத்தான் முடிந்திடுமா ?- ஆதலால்
உனது - எனது வாதமெதற்கு!!!!!

மதங்களைக் குறிவைத்து 
மனங்களைக் குமிறச்செய்து 
மனிதங்களை வதைப்பதற்காய் 
போர்தொடுக்கும் சாத்தான்களே 
அடங்குங்கள் ......அழிந்திடுவீர்கள்

நாங்கள் ஆயுதங்களற்ற நிராயுதபாணிகள் 
துஆவென்னும் எங்களாயுதம் 
உங்களை தூவம்சம் செய்திடும் 
அமைதியோடுள்ளதால் அடங்கிடுவார்களென 
பகற்கனவு காணாதீர்கள்!!!

மார்க்கம் கற்றுத்தந்த 
பொறுமையின் சிகரங்களைக் 
காத்துநிற்கும் எங்கள்  சமுகம் 
வெற்றியாளர்களே.....அவர்களின் 
வெறி கண்டிடத் தூண்டாதீர்கள்




Related Posts Plugin for WordPress, Blogger...