காத்திடு எங்கள் தேசத்தை

அனர்த்தங்களின் அழிவுகளால் 
பாமரர்களின் பரிதவிப்புகள் 
வல்லவனே யா அல்லாஹ் 
காத்திடு எங்கள் தேசத்தை 

சக்தியற்ற இம் மானிடனுக்கு 
உன் சிறு அசைவும் பேரிடியாகும் 
இயற்கையைப் படைத்த உன்னால் 
இயக்கங்களையும் நிறுத்திட முடியும் 

உன் நினைவின்றித் துதிமறந்து 
தன் கடமை மறக்கின்ற மாந்தருக்கு 
ஆங்காங்கு நினைவூட்டி - நீ
இருக்கிறாய் என்பதை உணர்த்துகிறாய் 

உணர மறுக்கும் மனிதனோ 
தான் வாழ்ந்தால் போதுமென்று 
தூங்குவதாய் துயில்கொள்கிறான் 
தனக்கும் நாளை உண்டென மறந்தவனும் 
கேளிக்கைகளோடு நடனமாடுகிறான் 

அருளாளனே யாரப்பே 
இம் மனிதர்களை மன்னித்தருள்வாயாக 
உன் தயவின்றி எதுவுமில்லை 
உன்னிடமே மண்டியிட்டுக் கேட்கிறோம் 
காத்திடு எங்கள் தேசத்தை 

பதிவுகளை இலவசமாக ஈமெயிலில் பெற