உமை மாற்றாத அனர்த்தம்

உணர்வால் உயர்ந்தவன் 
கொடையால் மகிழ்ந்தவன் 
கோடிகோடியாய் கொட்டித்தர 
ஏழனம் செய்கிறான்  உலோபி 

பதுக்கலில் பலசாலியாய் 
சுறண்டலில் புத்திசாலியாய் இருந்தவன்
கொடுத்தல் கண்டு பொறாமை கொண்டு 
கொச்சைப்படுத்தும் வாதம் கொள்கிறான் 

கண்டாயா உன் கண்முன்னே 
இவ்வுலகமது நிச்சயமற்றது 
நின் வாழ்க்கையதுவும் நிரந்தரமற்றது 
நல்லறம் நோக்கி நீ வாழப்பழகிடு 

செல்வமென்று சுகங்கண்டு 
சுற்றத்து அனர்த்தமும் உமை 
மாற்றவில்லை மனிதனாய் 
உயிர் சிக்கும் வரை காத்திருக்கிறாயா??

எண்ணங்களையும் அறிந்திடும் இறைவன் 
கேள்விகளோடுன்னை காத்திருக்கிறான் 
எதிர்பார்ப்பற்ற உதவிகளோடு மட்டும் 
உயரிய சுவர்க்கம் அடைந்திடு 

ஜனனமும் மரணமும் 
இறைவனின் தீர்ப்பில் நிகழ்வது 
இடைப்பட்ட வாழ்வு மட்டும் 
எம் விதியின் எழுதுகோல்கள் - உடனே
எது வென்று எழுதிவிடு   

பதிவுகளை இலவசமாக ஈமெயிலில் பெற