வென்றுவிட்ட என் தோழனுக்கு
வாழ்த்தெழுதத் துடிக்கிறதென்மனம்
வரிகளையும் அவனிடமே
வாங்கிடுமளவு கவிஞனுமவன்
நான் பிறந்த மண்ணில்
மலர்ந்த ஒரு கவிக்குயில்
இன்று ஜனாதிபதி விருதடைந்த
பெருமைக்குரிய ஆசான்
பல்லாயிரம் மைல்களெம்மை
வகுத்துநின்று பல குறிகள் சொல்கிறது
ஆறாத எம் நட்பினால்
மகிழ்கிறதென்னுள்ளம்
தேசங்கள் கடந்து நான்
தேடிய வாழ்க்கையினை
எம் தேசத்தினுள் வாழ்ந்து
வென்றுவிட்ட வெற்றியாளன் நீ
