உரிமையுடன் உன்னிடம்......

என்னிதயம் கவர்ந்த

எளிமையானவளே -  உன் 

இதயம் நிறைந்தவனின் 

உரிமையான வினவல்கள் 

அன்பின் திருவுருவமாக்கி 

அன்னையின் சிம்மாசனத்தில் 

அமரச்செய்து அழகுபார்த்ததில் 

உன் பாசம் முழுதும் எனைச்சேருமா?

அழகின் அலங்காரமே - உன் 

நடையுடை நளினங்களும் 

கவர்ந்திழுக்கும் வசீகரமும் 

எனக்கே எனக்காகுமா??

உறவுகளில் உன்னதமானவளே 

சொந்தங்களின் உறவுகள் 

சமர்ப்பணம் உன்னிடமே

சொந்தங்கள் அத்தனையும் - என் 

மரணம்வரை கூட வருமா ???

என்னிதயத்தின் சொத்தானவளே - உனை

செல்வங்களின் அதிபதியாக்கியதில்

ஆழுமையின் நேர்த்தியில் - எனை 

சுவர்க்கம் சேர்த்திடுவாயா????

என் உயிரில் கலந்தவளே - என்

உணர்வுகளுக்கு உயிர்கொடுப்பவளே...

இவ்வுலகில் உலவுகின்ற எம்பயணம் 

உயிர்பிரியும் வரை தொடர்ந்திடுமா ?????

பதிவுகளை இலவசமாக ஈமெயிலில் பெற