வாடும்நெஞ்சம் அழுகிறது....

கைவிட்ட கணவனும் 

கைநழுவிய உறவுகளென 

தனிமை தந்த வாழ்வுடன் 

எதிர்நீச்சல் ஆகிறதென் நாட்கள் 

தான்கொண்ட வேதனை 

தன்னோடு திர்த்திடவே....

சேயுந்தன் நிலைமாற்ற 

சுமந்தனன் முதுகிலே....

கடப்பாறை கைபிடித்து 

கடினபணி செய்துவிட்டு 

வயிற்றுப் பசிதீர்க்க...

வகுத்தானோ எம்மிறைவன் 

வாழ்வோரெல்லாம் வாழுகிறார் 

வாடும்நெஞ்சம் அழுகிறது 

ஏழைத்தாயின் தலையெழுத்தென

ஏனிந்த ஏக்கமெமக்கு...

எத்துயர் அடைந்தபோதும் 

உன்துயர் தீர்த்திடவும் 

உலகத்துத் தீர்ப்புகளுக்கு 

துணிந்து (சாவு)மணி அடித்திடவும் 

உன்தாய் நானிருக்கிறேன் 

எழுந்து நீயும் செல்மகளே....

ஏழை என்றநாமம் உடைந்தெறிந்து 

ஏற்றமெமக் கேற்றிடுவோம்....

பதிவுகளை இலவசமாக ஈமெயிலில் பெற