சொன்னபடி நீ கேள்....

நான் பெற்றெடுத்த பிள்ளை நீ 
பேறுகளனைத்தும் எனக்கே சொந்தம் 
குறையதிகம் கண்டாலும் - நான் 
சொன்னபடி நீ கேள்....


என்னாசை தீர்ந்திடனும் 
என்விருப்பம் நடந்திடனும் 
உனக்காக அத்தனையுமென்று - பிள்ளையிடம் 
பறித்தெடுக்கும் சுதந்திரங்கள் 


உனக்கென்றொரு மனமில்லை 
அதிலொரு காதல் உதிப்பதில்லை 
அகந்தை மனம் அழுக்கானாலும் - விரல் 
நீட்டிய பெண்ணை மணந்திடனும் 



வாலிபமுனை கடந்தாலும் 
வயோதிபமுனை அடைந்தாலும் 
என்தேவை பூர்த்தி செய்து 
உன்தேவை நாடிடனும் 



காண்பவைகளில் குறைகண்டு 
கருத்துகளை சுமத்திநின்று 
சந்தேகப் பார்வையில் 
சரிசெய்வதாய் நினைக்கின்றீர் 

தான் கடந்த பாதை மறந்து 
பிள்ளையுள்ளம் மதித்திடனும் 
தவறுகண்டு திருத்துதலோடு 
சுதந்திரமாய் விட்டுடனும் 


பெற்றோர் உம் பார்வையில் தவறுணராது 
பிள்ளையின் பார்வையில் சரிகண்டிடனும் 
இன்று சரிகாணப்பட்ட தவறுகளும் 
நாளைய சரித்திரங்களாகும் 

பதிவுகளை இலவசமாக ஈமெயிலில் பெற