தொடரும் மனமிங்கு

நிம்மதிக்காய் நினைத்துப்பார்க்கிறேன் 
நிராயுதபாணியாய் நிலை தடுமாற்றங்கள் 
அடைந்தவைகளால் அல்லலுறுகிறேன் 
அயர்ந்த போதும் அவஷ்தையெனக்கு 


மனிதனாய்ப் பிறந்ததில் 
இத்தனை அவலங்களென்று 
வியந்துநிற்கும் விடையங்களை
விரைந்து நானும் வெல்ல முற்படுகிறேன் 


திடமான உறுதியும் 
பலமான நம்பிக்கையும் 
இறைவனளித்த வரங்களாகி 
தேற்றிய மனமிங்கு 
அமைதி கொண்டு ஆறுதலாகிறது 


சலனங்களெம்மை சரிசெய்யாத போது 
சறுக்கல்களாகும் வாழ்விற்கு 
சொந்தங்களும் பந்தங்களும் 
சொற்றொடர்களில் கிடைக்கிறது 


நீண்ட இடைவெளியில்
மீண்டும் மனந்திறந்திட 
வரிகள் தேடிநின்று 
தொடர்ந்திட நானும் முயல்கிறேன் 
நன்றிகள் நண்பர்களே 

பதிவுகளை இலவசமாக ஈமெயிலில் பெற