வாழும்போதே இறப்பதேன்.....

இளசுகளின் இன்பக்காதலை 
இன்புறச் சுவைத்திருந்தோம் 
இனியொரு பிறவியற்று - இணைந்தே 
மடிந்திடவும் நினைத்திருந்தோம் 


காதலர்களாய் வாழ்ந்த எம் 
காதலுக்கொரு பரிட்சையாய் - எம் 
செல்வங்களே எமக்கு 
பரிட்சார்த்தம் நடத்துகின்றனர் 


எம்காதலில் உருவானவர்கள் 
எமக்கும் காதலை கற்றுத்தருகின்றனர் 
இணைபிரிய மறுத்திருந்த எம்மை 
பிரித்திணைத்தொரு காதலை 
கண்டிடச்செய்கின்றனர் 



பாசமாய் இருவார்த்தை 
பரிவாயொரு முத்தம் 
முழுவதுமாயடைந்திட 
பகலிரவாய்த் தவித்திருந்தோம் 


முதுமையிலும் காதலுண்டு 
மனதிலும் இளமையுண்டு 
மகிழ்வுதரும் வாழ்வுக்காய் 
வாழும்போதே இறப்பதேன் 


உன் மலர்ந்த நாளை 
மறந்துவிட்ட மகன்களுக்கு - நாம்
மகிழும் நாளாய் கடத்தியிருந்தது 
தெரிந்திருக்க வாய்ப்பில்லை 


இத்தனை நாள் இருண்டிருந்து 
இன்றுமட்டும் புலரந்ததுபோல் 
இன்பநாளாய் உனையடைந்தேன் 
இன்பமானவளே நலந்தானா??

பதிவுகளை இலவசமாக ஈமெயிலில் பெற