மாற்றானின் எழுச்சிகண்டு - உன்
மனதுக்கேன் படபடப்பு
நீ எட்டிடாத அடைவுகாணும்
அயலவன் மீதேன் கோபமுனக்கு
பொறுமை வேண்டும் உன்னுயர்வுக்கு
பொறாமை கொண்டேன் சூழ்ச்சிசெய்கிறாய்
உன் பின்னடைவில் நீ கற்கமறந்து
வெல்பவனை வீழ்த்தநினைக்கிறாய்
தீயால் பட்டகாயத்திற்கு
தீயிட்டு துயர்துடைப்பதா? இல்லை
மருந்திட்டு குணப்படுத்துவதா?
பொறாமை கொண்ட செயல்கள்
தீயாய் உனைத்தொடருமே...
உணரமறுக்கும் உன் மனதில்
பொறாமை நிலைகொண்டதால்
உறவென்றோ உயிரென்றோ
உன் கண்ணுக்குத்தெரிவதில்லை
கற்பனைகளோடு நிகழ்வுகளை ஒப்பிட்டு
வீண்சந்தேகப் பார்வையில்
தோழமையையும் எதிரியாக்கும்
விசமாகிறது(நஞ்சு) பொறாமை
0 comments:
Post a Comment