நானும் ஓர் தீவிரவாதி

அநியாயம் கண்டு மனம்வருந்தி
தன் எழுத்துக்களால் எதிர்க்கின்றானே
அவனும் ஓர் தீவிரவாதிதான்


சாக்கடை அரசினை மாற்றி
சரித்திரம் படைத்திடப் பேசுகின்றானே
அவனும் ஓர் தீவிரவாதிதான்


உடன் பிறப்பினை உயிரோடு புதைத்து
உடமைகளின் அவதரிப்பினைத் தடுக்கின்றானே
அவனும் ஓர் தீவிரவாதிதான்


மானத்திற்காய் போராடும் மாதுகண்டு
தடுக்கநினைத்தும் நாதியற்றுக் கண்மூடுகின்றானே
அவனும் ஓர் தீவிரவாதிதான்


கண்ணெதிரே அபாயமென்று
தன்னுயிர் தீர்த்தேனும் பிறர்காத்திட முனைகின்றானே
அவனும் ஓர் தீவிரவாதிதான்..


அபலம் ஒன்று நடந்தேறக் கேட்டு
துக்கம் தாளாமல் நொந்தழுகின்றானே
அவனும் ஓர் தீவிரவாதிதான்


சாமான்யன் என்றுசொல்ல
மானிடங்களில் யாருமில்லை
போராட்டமே வாழ்க்கையாகும்
யாவரும் தீவிரவாதிதான்

பதிவுகளை இலவசமாக ஈமெயிலில் பெற