போராடும் தொழிலாளர்

உதிரத்தினை உரங்களாக்கி 
வியர்வையில் தினமும் நனைந்து 
உடல்நலம் மறந்த 
உண்மையான உழைப்பாளி 


உண்ண மறந்திருந்து 
உறவும் பிரிந்திருந்து 
திருப்தியான ஊதியத்திற்காய் 
தினம்தினம் போராட்டம் 


நாட்டின் அபிவிருத்தியை 
சிந்திக்கும் அரசுகளும் 
ஆணிவேர் தொழிலாளரென்று மறந்து 
அவன் முன்னேற்றம் கருதாத 
ஆட்சியாளர் கூட்டங்கள் 


அதிகநேரம் வேலைவாங்கி 
சம்பளத்தையும் தரமறுத்து 
இவன் சிந்திய உதிரத்தில் 
சொகுசாய் வாழும் முதலாழிகள் 


குழந்தையின் கல்வியென்றும் 
குடும்பத்தின் பராமரிப்பென்றும் 
ஒருதவணை உணவுக்காய் 
திண்டாடும் தொழிலாளர் 


எவ்வர்க்கமாகினும் உணர்ந்து 
தொழிலாளர் வர்க்கம் சிறந்திட 
சிந்திக்காத மனிதர்களை 
சீர்செய்யும் தினமாகட்டும் இன்னாள் 
தொழிலாளர் தின நல்வாழ்த்துகள்

பதிவுகளை இலவசமாக ஈமெயிலில் பெற