என்னைத் தொலைத்த நான்

நானென்ற அகம்பாவம் 

நானென்றே.. நினைத்தபோது 

நன்மைகளேதும் நோக்கியதில்லை 

நான்தான் சரியென்ற வாதம் 

என்னைத் தலைநிமிர்த்தி வைத்தது 

காதலே ஜெயமென்று 

கால்வரை பிடித்துவிட்டவனை 

காதலன் என்றுகாணாது 

அடிமையாய் நடத்திநின்று 

அழித்திருந்தேன் காதலை 

திமிரின் ஆட்சி தலையிலிருந்ததில் 

குனிய மறந்து கும்மாளமடித்ததை 

என்குழந்தைகளும் தொடர்ந்து 

குறையுள்ள பிள்ளைகளாய் 

உருவாக்கியிருந்தேன் செல்வங்களை 

புத்திசொன்ன உறவுகளின் 

பக்கபலம் அறியமறந்து 

எட்டியுதைத்த பெற்றோரும் 

தூக்கியெறிந்த சகோதரங்களுமாய் 

சின்னாபின்னமாக்கினேன் சொந்தங்களை 

நிலையானவையென்று நினைத்திருந்த 

அழகும் அழிந்துவிட்டது 

ஆஷ்தியும் தீர்ந்துவிட்டது 

துணைகளெல்லாம் துரமானது 

கற்றுத்தந்த தனிமையில் 

தொலைத்த என்னை தேடுகிறேன் 

பதிவுகளை இலவசமாக ஈமெயிலில் பெற