ஒரு துளி கண்ணீரில்....(150 வது சிதறல்)

உன் ஒற்றைக் கண்ணில்
உதிருகின்ற ஒரு துளிக் கண்ணீரில்
உதிரம் கொதிக்கிறது கண்ணே
உறங்க மறுக்கிறது என் கண்கள்

உயிராய் நானிருந்தும்
உடலை அகன்றிருக்க
உணர்வாய் நானிருந்தும்
உறவு துறந்திருக்க

என்மார்பில் முகம்பதித்து
எப்பொழுதும் துயர்நீத்தாய்
எட்டிநின்ற காரணத்தால்

எதற்காக கண்ணீர் வடிக்கிறாய்

தாலாட்டுப் பாடுகின்ற
தாயாக நான் மாறி

தாயவள் உனை நான்

தாங்கத்தான் மாட்டேனா

துடைத்துவிடு இப்பொழுது

துயரம்தான் மறந்துவிடு

துயில் கொண்டேனும்

துரத்திவிடு சோகங்களை

என்னுயிரே அழாதே

என்னிதயம் கலங்குதடி

எதார்த்தமான நாள் வந்து

எம் நிலை மாற்றுமடி....

பதிவுகளை இலவசமாக ஈமெயிலில் பெற