அஸ்தமனம் நட்போடாகட்டும்

நட்பெனும் உலகில் 
நன்மைகள் தேடி நானும் 
அலைந்த நாட்களதிகம் 
அடைந்த போதெல்லாம் மகிழ்ந்தேன் 


நட்பினைப் பேணிட 
நச்சரித்த உறவுகளைக்கூட 
துச்சமெனக் கொண்டு 
துணிந்திருந்தேன் தோழமைக்காக 


உயிரிலும் மேலான நட்பினால் 
உளம் மகிழ்ந்து உயிர்த்திருக்கிறேன் 
நட்போடுள்ள நளினங்களை 
நட்பின் வெகுமதியாக்கினேன் 




உலகவலம் ஒருகரையிலடைந்து 
நானடைந்த நண்பர்கூட்டமும் 
எனைத்தொடரல் கண்டு 
நான் கொண்ட பாக்கியமாக்கிறேன் 


இக்கரையும் நட்புகளாலானதில் 
தோழர்களின் நட்புக்காய் 
நான் கொண்ட வேட்கையில் 
பெருமையடைகிறேன் 


நட்பால் இணைவோம் 
அன்பால் உலகை வெல்வோமென்ற 
வாசகத்துடன் ஐக்கியமாகிறேன் 
எனைச் சுற்றி ஒரு பாசக் கூடு 


அன்றுரைத்தேன் நான் இளந்திலேன் 
நட்பினை என்றுமென்று 
உலக அஸ்தமனம்வரை 
நட்புக்காய் வாழ்ந்திடத்துடிக்கிறது என்மனம் 

பதிவுகளை இலவசமாக ஈமெயிலில் பெற