உணராதவரை ஊழல் அழிந்திடாது........

ஊழலற்ற உழைப்போடு
ஊதியம் பெற்றுநட 
ஊராரை ஏய்த்துழைத்து 
உன்னுலை பொங்கிடாதே...


உன்னொருத்தனின் ஆசையில் 
தேசத்தின் தலையெழுத்தென்று 
நேசங்கொண்டோரின் வசையில் 
எத்தனைகாலம் அழுதிடும் எம்தேசம்


தனிமனித ஒழுக்கத்தோடு 
பிணைந்துவிட்ட ஊழலுக்காய் 
அரசுநோக்கிய பிடியாணை 
பிறப்பிப்பதில் நியயமுண்டோ 



சட்டங்கள் வகுத்தாலென்ன 
சாசனங்கள் ஏற்றினாலென்ன 
அந்தரங்கமாய்க் கைநீண்டும் 
புத்திசாலித் திருடன் உணர்ந்து 
திருந்த வேண்டாமா 


காகிதமாகிய பணத்திற்காய் 
தன்மானத்தினை விற்று 
சுயநலத்துடன் சுகங்கள் தேடி 
நியாயங்கள் சாகடிக்கப்படுகிறது 


தன்னைத்தானுணரும் மனசாட்சியுடன் 
திருந்திடாத மானிடனிருக்கும்வரை 
எத்தனை லோக்பால் வந்தாலும் 
ஊழல்தான் அழிந்திடுமா??

பதிவுகளை இலவசமாக ஈமெயிலில் பெற