பாதையும்.... பாசமும்

பாதை

உன் பாதை முடிந்ததென்று 
முடங்கிக் கிடந்திடாதே - நீ 
பலதிசையும் உற்றுநோக்கிப்பார் 
பாதைகளங்கு திறந்திருக்கும் 

எதிர்ப்பட்ட பாதைகளோடு - நீ 
முனைப்புடன் முன்னேறிப்பார் 
முட்களும் கற்களும் - உனக்காய் 
வழிவிடக் காத்திருக்கும் 

வீறுகொண்டு நடந்துபார் 
இமயம் கூட உன் காலடியில் 

பாசம்

வானம் விட்டுப்பிரியாத -நிலவு 
சூரியனிடம் தஞ்சம் 
பாசம் விட்டுப்பிரியாத - தாய் 
பிள்ளையிடம் தஞ்சம் 

சூரியனாய் மாறும் பிள்ளைகளால் 
சுட்டெரிக்கப்பட்ட தாய்களோ 
சுடுகாட்டில் இருந்தாலும் - பிள்ளைப்
பாசம் விட்டுப் பிரிந்திடாள்


பாதை தடுமாறும் பிள்ளைகளுண்டு 
பாசம் தடுமாறும் தாய்களுண்டு 
சரி செய்திடும் சமநிலைகள்தான் 
சரித்திரங்களை வென்றுநிற்கும் 

இவ்வரிகளை அமைத்திடத் தூண்டிய சகோ ஹேமா அவர்களுக்கு மிக்க நன்றிகள் உப்பு மடச் சந்தி

பதிவுகளை இலவசமாக ஈமெயிலில் பெற