விபத்தில் மரணம் வீர மரணம்

இன்னாலில்லாஹி வயின்னாயிலைஹி ராஜியுன் 

விபத்தில் மரணம் விழிகள் குளமானது 

விம்முகிறது மனம் ஜீரணிக்க முடியவில்லை 

இன்னாரது நட்பெனக்கு மூன்றரைவருடம் 

ஓரறையில் உண்டு மகிழ்ந்திருந்து 

அளவளாவிய தருணங்கள் கண்முன்னே 

நிழல்களாய் எனைத்தொடர்கிறது 

கால ஓட்டம் இத்தனை வேகமாவென
மரணச்செய்தியில் உணர்ந்து நொந்தேன்
வெகுதொலைவு தொடர்பின்றிருந்தும்
பழகிய நட்பினை பரிதாபச்செய்திவந்து
பதைக்கச் செய்கிறது நெஞ்சை


மனிதர்களுக்குப் பல பக்கங்கள்
அத்தனை மனிதர்களின் நிலைகளில்
மரணம் மாத்திரம் நன்றியுடைய பகுதியினை
நினைத்திடச்செய்து உரைத்திடமுடிகிறது


துணைவனைக் காத்திருந்த மனைவிக்கும்
தந்தையினைக் காத்திருந்த பிள்ளைகளுக்கும்
பிரிவின் துயர்நீத்திட எதிர்பார்த்திருந்த
உறவுகளுக்கும் புகைப்படவாயிலாக
மரணத்தின் தரிசனம் அனைத்திலும் கொடுமையானது



ஆங்காங்கு ஆழுத மனங்களுக்கு
இறையருளும் இயல்பு நிலையும் ஆறுதலாகட்டும்
அன்னாரின் அடைவுகளுக்கு இறைவன்
சுவனத்தினை பரிசளித்திடட்டும்
இன்நிகழ்விலும் பாடம் பலர் கற்றிடட்டும்


தேவைகள் நிறைந்தும் திருப்திகாணத்தெரிவதில்லை
அடைந்ததைக் கொண்டு அகம் நிறைவதில்லை
ஒன்றிருந்தால் பத்திற்காசை
பத்திருந்தால் நூறுக்காசை
இச்சையின் பாதையில் இழப்புகளின் வரவேற்புகள்


இறைவனை மறந்த இன்பங்கள் தேடாது
அற்ப வாழ்வில் அயராத நண்மைகளுடன்
அகிலத்தில் சிறந்து அடைவது சுவனமாகிட
தேர்ந்திடும் பாதை நேர்த்தியாகட்டும் 

பதிவுகளை இலவசமாக ஈமெயிலில் பெற