உன் தந்தைவழி தவறோ
உன் தாய்விட்ட பிழையோ
தங்கமே உனக்கும்
AIDS என்ற கொடியநோய்
உன்பார்வையின் ஏக்கத்தில்
பலகோடி வரிகளுண்டப்பா
பிறந்தது உன்தவறா?
படைத்தவனைத்தான் கேட்கலாமா......?
ஆசைக்கு அடிபணிந்த
அன்பர்களின் நடத்தையால்
இறப்புச் செய்தியோடு
பிறப்பது கொடுமையடா...
இன்பம் தேடியலைந்து
இளமையில் அடைந்தபேறாய்
வாரிசாய் பிறந்த உனக்கு
பரிசாய் தந்துவிட்டனர்...
அற்பசுகத்திற்கு அணைகட்ட முடியாமல்
சீறிப்பாய்ந்து சென்று
சிக்கித்தவித்த படைப்பாளியால்
சீரழிந்ததே உன்வாழ்வும்
உன்போன்ற உள்ளங்களால்
வடிக்கின்ற வைரக்கண்ணீர்கள்
ஆறுகளாய் மாறியேனும்
அசிங்கச்சாக்கடைகளான மனங்களை
அலசித்தான் செல்லாதோ....
கருவுக்குப் படந்தந்த உரிமையாளருக்கு நன்றி
4 comments:
எந்த வித தவறும் செய்யாமல், மரணத்தேதியுடன் பூமிக்கும் வரும் குழந்தைக்கும் நேரும் கொடுமையை வலியுடன் படம் பிடித்திருக்கிறது உங்கள் கவிதை. வாழ்த்துக்கள்.
இன்ட்லி, தமிழ்மணத்துடன் இணைக்கவும்..
எப்படி வாக்களிப்பது?
பாவம் யாரோ செய்த தவறுக்கு யாரோ பழி ஏற்கிறார்கள்!!
arumai
Post a Comment