கோப அரக்கனின் ஆட்சி

பஞ்சு உள்ளம் படைத்த
அருமை நன்பனின்
சீறல் நிலை காண
துடித்தது என்னுள்ளம்

கோபம் எனும் வெறியன்
உனையாளலில்
உனை மறக்கும் நீ
அவன் தாண்டவத்தில்
அப்படியே ஆடுகிறாய்

அவன் கொண்ட செயலால்
உன் துணை என்றும்
தோழன் என்றும்
உறவென்றும் உடலென்றும்
உன்னோடு கலந்தவை
கலங்கிடச் செய்கிறாய்..

சினம் எனும்
இவ்வரக்கனின்
கொடுமையில்
சீர் குலைந்த சீலர்கள்
பல கோடி....

இவனை ஆழத்தெரிந்த
ஆட்சியில்தான்
அன்பு எனும்
சிம்மாசனத்தில்
வீற்றிருப்பாய்
என் தோழா...

பதிவுகளை இலவசமாக ஈமெயிலில் பெற