கார் குழலாள்

உன் கார் குழலின் கருமையும்
கவர்ந்திழுக்கும் நீழமும்
உன் கூந்தல் நுனி அழகும்
காற்றில் தவழ்ந்தாட
கொள்ளை கொண்ட
என் மனமும் சேர்ந்தாட

வண்ண மயில் தோகை போல்
உனக்கழகு கூந்தல் காண
சிக்கிய என் மனதை
சிதறாமல் சீர்செய்ய
சிற்றின்பம் தந்திடவேனும்
திரும்பி நீயும் பாராயோ.....

உன்கரங்கள் கொண்டு
குழலழகுக்காய்
வகுடெடுக்கும் நீ
உன் செல்ல மனம் கொண்டு
என் கெஞ்சல் மொழி தீர்க்க
ஒரு வரி உரைத்திடுவாயா.....

பதிவுகளை இலவசமாக ஈமெயிலில் பெற